ហេតុអ្វីបានជាអំបិលបំពងឬស្សី ឫអំបិលពណ៍ស្វាយមានតម្លៃថ្លៃ?
អត្ថបទ៖ Business Insider
រាប់រយឆ្នាំមកហើយ ជនជាតិកូរ៉េបានប្រើប្រាស់ អំបិលបំពង់ឬស្សី (អំបិលពណ៍ស្វាយ) (Bamboo Salt or Purple Bamboo Salt) នេះសម្រាប់ចំអិនម្ហូប និង ជាឳសថប្រចាំផ្ទះ។ តំលៃរបស់អំបិលបំពង់ឬស្សី (អំបិលពណ៍ស្វាយ) គឺខុសគ្នាទៅតាមប្រភេទ និង កន្លែងដែលអ្នកទិញ និង ទម្រង់របស់វា ប៉ុន្តែអំបិលបំពង់ឬស្សី (អំបិលពណ៍ស្វាយ) ដែលដុតចំនួន ៩ដំណាក់កាលគឺមានតំលៃថ្លៃ។ អំបិលបំពង់ឬស្សី (អំបិលពណ៍ស្វាយ) ដែលដុតចំនួន ៩ ដំណាក់កាលអាចមានតម្លៃ ចាប់ពី ២០០.០០០ វ៉ុន ទៅ ២៥០.០០០ វ៉ុន ស្មើរនិង (174$ ទៅ 224$) ក្នុងមួយគីឡូ។ ចំពោះប្រជាជនកូរ៉េបានទទួលស្គាល់ពីតម្លៃរបស់អំបិលបំពង់ឫស្សី (អំបិលពណ៍ស្វាយ) នេះ ដោយសារពួកគេបានដឹងពីអត្ថប្រយោជន៍របស់អំបិលបំពង់ឬស្សី (អំបិលពណ៍ស្វាយ) ចំពោះសុខភាព។ ម្យ៉ាងវិញទៀត វប្បធម៍របស់ជនជាតិកូរ៉េឲ្យតម្លៃទៅលើម្ហូបអាហារដែរផ្តល់អត្ថប្រយោជន៍ដល់សុខភាពជាចំបង មូលហេតុដែលធ្វើឲ្យអំបិលបំពង់ឬស្សី (អំបិលស្វាយ) មានតម្លៃថ្លៃ៖ ទី ១ អំបិលបំពង់ឬស្សី (អំបិលពណ៍ស្វាយ) នេះផ្តល់អត្ថប្រយោជន៍ដល់សុខភាព ទី ២ ដំណើរការនៃការផលិត។
ចំពោះអត្ថប្រយោជន៍ដល់សុខភាព បើយោងទៅតាម Business Insider និងគេហទំព័រChangeyourenergy.com បានឲ្យដឹងថាអំបិលបំពង់ឬស្សី (អំបិលពណ៍ស្វាយ) ដែលដុត ចំនួន ៩ ដំណាក់កាលមានអត្ថប្រយោជន៍ដូចជា៖
- សម្បូរទៅដោយសារធាតុរ៉េជាង ៨០ប្រភេទ
- សារធាតុអាកាឡាំងខ្ពស់ដែល Ph 10.5 ដែរល្អសម្រាប់ជាគ្រឿងទេសក្នុងម្ហូបអាហារ។
- មានសារធាតុដែរប្រ្ឆឆាំង និងការរលាក ដូចជា សន្លាក់ និងប្រព័ន្ធរំលាយអាហារ
- ជួយបណ្តេញជាតិពុលចេញពីរាងកាយជាពិសេស ល្អសម្រាប់ស្បែក កាត់បន្ថយ ស្នាមខ្មៅ និងមុន។
- ជួយប្រឆាំងនិងបាក់តេរីមោនល្អ
- ជួយពង្រឹងប្រព័ន្ធសាំរាងកាយ
- ជាឳសថសម្រាប់ព្យាបាលពេលមិនស្រួលខ្លួន ផ្តាសាយ និងគ្រុនជាដើម
- អំបិលបំពង់ឫស្សី (អំបិលពណ៍ស្វាយ) គេយកទៅធ្វើជាសារធាតុផ្សំក្នុងថ្នាំដុសធ្មេញ និង ផលិតផលថែរក្សាស្បែក
ចំពោះដំណើរការនៃការផលិតវិញ គឺចំណាយពេលច្រើនរហូតដល់ ១ខែ រឺ ៤៥ថ្ងៃទៅ ៥០ថ្ងៃផលិតបានអំបិលបំពង់ឬស្សី រ(អំបិលពណ៍ស្វាយ)នេះ។ ដំបូងគេយកអំបិលសមុទ្រ ដាក់ក្នុងបំពង់ឬស្សី ហើយបំពង់ឬស្សីនេះទៀតសោត គេត្រូវការឬស្សីដែលមានអាយុ៣ឆ្នាំ យកមកកាត់ជាបំពង់ដើម្បីដាក់អំបិលចូល។
អស់រយះពេលច្រើនឆ្នាំមកហើយ អំបិលបំពង់ឬស្សី (អំបិលពណ៍សា្វយ) ត្រូវបានប្រជាជនកូរ៉េដុតចំនួន ២ ទៅ ៣ ដំណាក់កាលតែប៉ុណ្ណោះ ដើម្បីធ្វើជាឳសថបុរាណ ប៉ុន្តែប៉ុន្មានឆ្នាំចុងក្រោយអំបិលបំពង់ឬស្សី (អំបិលពណ៍សា្វយ)ត្រូវបានគេដុតចំនួន ៩ដំណាក់កាល ហើយដុតនៅក្នុងសីតុល្ហាភាពក្តៅខ្លាំងបំផុត។ ដំណាក់កាលទី ១ ដល់ ដំណាក់កាលទី ៨ ត្រូវដុតក្នុងសីតុល្ហាភាព ៨០០ អង្សា ដែលចំណាយពេលពី១២ ទៅ ១៤ ម៉ោង ដើម្បីឲ្យបំពងឬស្សីឆេះអស់ ហើយទុកឲ្យអំបិលត្រជាក់ទើប យកមកកិន និង ច្រកចូលបំពង់ឬស្សី ហើយដំណើរការនេះធ្វើឡើងរយះពេល ៨ដង។ ដំណាក់កាលទី ៩ ទើបជាដំណាក់កាលចុងក្រោយ ហើយជាដំណាក់កាលដែលធ្វើការដុតកំដៅខ្លាំងបំផុតរហូតដល់លើស ១០០០អង្សា។ រាល់ដំណាក់កាលនិមួយៗ ពួកគេធ្វើឡើងដោយប្រុងប្រយ័ត្នខ្លាំងបំផុត បើដំណាក់កាលណាមួយខុសប្រក្រតី គេត្រូវខាតបង់រយះពេលច្រើនថ្ងៃ។ នៅដំណាក់កាលទី ៩ បន្ទាប់ពី ២ ទៅ ៣ ថ្ងៃក្រោយមកអំបិលត្រជាក់ ហើយក៏មានពណ៍ស្វាយបែបនេះ បន្ទាប់មកគេយកមកកិន ជ្រើសរើស វេចខ្ចប់ និងការដាក់លក់នៅលើទីផ្សារ។ ការដុតអំបិលបំពង់ឬស្សី ធ្វើឲ្យសារធាតុមិនល្អដូចជា Micro plastic ត្រូវបានច្រោះតាមរយះដំណើរការនេះ ប្រេងឬស្សី និង សារធាតុល្អចេញពី ឬស្សី ស្រូបដោយអំបិល ដែលធ្វើឲ្យអំបិលផ្ទុកសារធាតុរ៉ែខ្ពស់ និងមិនមានជាតិល្វិងដូចអំបិលធម្មតា។
តើ អំបិលបំពង់ឬស្សី (អំបិលពណ៍សា្វយ)ពិតជាផ្តល់អត្ថប្រយោជន៍ដល់សុខភាពជាងអំបិលធម្មតាយ៉ាងណាអង្កការសុខភាពពិភពលោក (WHO) ពុំទាន់មានការសិក្សាស្រាវជ្រាវនៅឡើយទេ ប៉ុន្តែប្រជាជនកូរ៉បានទទួលស្គាល់ពីអត្ថប្រយោជន៍របស់អំបិលបំពង់ឬស្សី (អំបិលពណ៍សា្វយ)នេះរាប់រយឆ្នាំមកហើយ។